قایمقامی شارۆچكەی شەرگات لە پارێزگای سەڵاحەدین رایگەیاند، چەكدارانی داعش ئەمڕۆ دوو گوندی شارۆچكەكەیان لە باكووری شەرگات كۆنترۆڵكرد.

عەلی دەحدوح، قایمقامی شارۆچكەی شەرگات بە تۆڕی میدیایی رووداوی راگەیاند: "چەكدارانی داعش ئەمڕۆ هەردوو گوندی گێنعۆس و شێخ حەمەدی شارۆچكەكەیان لە باكووری شەرگات كۆنترۆڵكرد، بەڵام لە ناوچەكانی دیكەی شەرگات چەكدارانی هۆزەكان و پۆلیسی عێراق لە ئامادەباشیدان بۆ بەرگریكردن لە ناوچەكانیان".

عەلی دەحدوح گوتیشی "داوای هێزمان لە فیرقەی چوار و فەرماندەیی ئۆپەراسیۆنەكانی سوپای عێراق لە پارێزگای سەڵاحەددین كردووە، کە بێن بە هانامانەوەو بەڵێنیشیان پێداوین كۆمەكمان بكەن".

ئەمە لەكاتێكدایە زۆربەی زۆری ناوچەكانی شاری موسڵی سەنتەری پارێزگای نەینەوا و فڕۆکەخانەی شارەکەش، لەلایەن چەكدارانی دەوڵەتی ئیسلامی لە عێراق و شام (داعش) كۆنترۆڵكراوە.






رووداو