نیكۆلاى میلادینۆف نوێنه‌رى نه‌ته‌وه‌ یه‌كگرتوه‌كان له‌ عێراق سه‌ردانى سه‌ید عه‌لى سیستانى مه‌رجه‌عیه‌تى باڵاى شیعه‌ى له‌ پارێزگاى نه‌جه‌ف كرد كه‌ تێیدا چه‌ند بابه‌تێك گفتوگۆى له‌سه‌ر كرا له‌ وانه‌ش چۆنیه‌تى كاركردن له‌ دواى بڵاوكردنه‌وه‌ى هه‌نجامه‌كانى هه‌ڵبژاردن و رێككه‌وتنى لیسته‌ سیاسیه‌كان له‌سه‌ر پێكهێنانى حكومه‌تى نوێى عێراق كه‌ به‌پێى ده‌ستورى عێراقى سه‌رجه‌م نه‌ته‌وه‌كان به‌شدارى بكه‌ن له‌ حكومه‌ته‌كه‌.

هه‌روه‌ها باس له‌ كێشه‌كانى نێوان به‌غدا و هه‌رێمى كوردستان كراو نوێنه‌رى نه‌ته‌وه‌ یه‌كگرتوه‌كان ئاماژه‌ى به‌وه‌كرد كه‌ ده‌كرێت كێشه‌ى هه‌نارده‌ كردن و فرۆشتنى نه‌وتى هه‌رێمى كوردستان له‌ رێگاى دیالۆگ و گفتوگۆ و به‌پێی ده‌ستووری هه‌میشه‌یی عێراق چاره‌سه‌ر بكرێت. هاوكات باسى ره‌وشى ئه‌نبار و چۆنیه‌تى چاره‌سه‌ركردنى كێشه‌كانى كرا. له‌ كۆتاى كۆبونه‌وه‌كه‌شدا هه‌ردوولا رێككه‌وتن له‌سه‌ر پێكهێنانى حكومه‌تى نوێى عێراق و چاره‌سه‌ركردنى كێشه‌ سیاسى و ئه‌منیه‌كانى وڵات به‌پێى ده‌ستور.