ئەمانەتی ئەنجومەنی وەزیرانی عێراق لەبەیاننامەیەکدا رایگەیاند, بەبۆنەی یادی شەھید کردنی ئیمامی کازم رۆژی یەکشەممە لەسەرجەم پارێزگاکانی عێراق پشووی فەرمییە جگە لە ھەرێمی کوردستان.



لەبەیاننامەیەکی فەرمییدا ئەمانەتی ئەنجومەنی وەزیرانی عێراق رایگەیاند: بەبۆنەی یادیی شەھیدبوونی ئیمامی کازم و سەردانیکردنی ھاوڵاتیان بۆ ناوچەی کازمیەی شاری بەغدا, رۆژی یەکشەممە رێکەوتی ٢٥ی ئایار لەسەرتاسەری عێراق پشووی فەرمییە جگە لەنەخۆشخانەکان و ھێزە ئەمنییەکان و چەند دامودەزگایەکی دیکە کەوا ھاوڵاتیان پێویستیان دەبێت ھەروەھا ھەرێمی کوردستان.


لەلایەکی دیکەوە عەملیاتی بەغدا لەبەیاننامەیەکدا کە وێنەیەکی دەستی ئاژانسی ھەواڵی پەیامنێر کەوتووە رایگەیاند: بەھۆی سەردانیکردنی ھاوڵاتیان بۆ بەغدا و یادی شەھیدبوونی ئیمامی کازم کەوا مەزارگەکەی دەکەوێتە ناوچەی کازمیەیی بەغدا لەلایەنی کەرخ لەسەرجەم بەغدا ھاتوچۆ بۆ ماتۆرسکیل و ئۆتۆمبێلی بارھەڵگر قەدەغە کراوە و ئەوەی سەرپێچی ئەم بڕیارە بکات سزا دەدرێت.

لەبەیاننامەکەدا عەملیاتی بەغدا داوا لەھاوڵاتیان دەکات کەوا چەک و چەقۆ بەھیچ شێوەیەک ھەڵنەگرن و ھاوکاری ھێزە ئەمنیەکان بکەن لەکاتی بینینی ھەر شتیکی گۆمانلێکراو.

لەرۆژی سێشەممەی رابردووە و تا ئێستا ھێزە ئەمنیەکان لەحاڵەتی ئامادە باشیدان و خاڵی پشکینین لەسەرجەم ناوچەکانی بەغدا دانراوە بەتایبەت ناوچەی کازمیە کە بەھەموو شێوەیەک قەدەغە کراوە ئۆتۆمبێل لەناوچەکە ھاتوچۆ بکات, ئەویش وەکو پلانیکی ئەمنی بۆ کۆنترۆڵکردنی بارودۆخەکە و سەلامەتی سەروماڵی ھاوڵاتیان لەکاتی سەردانیکردنی ئیمامی کازم.