له‌ هێرشێكى چه‌كداریدا له‌ موسڵ 5 كوردى ئێزیدى كوژران و برینداربوون

 له‌ هێرشێكى چه‌كداریدا له‌ موسڵ 5 كوردى ئێزیدى كوژران و برینداربوون
به‌ گوێره‌ى سه‌رچاوه‌یه‌كى ئه‌منى پارێزگاى موسڵ، له‌ ئاكامى هێرشێكى چه‌كدارى له‌ رۆژئاواى ئه‌و پارێزگایه‌ پێنج كوردى ئێزیدى شه‌هید و برینداربوون.

وه‌ك سه‌رچاوه‌كه‌ روونى كرده‌وه‌، له‌ باشوورى قه‌زاى شنگالی سه‌ر به‌ پارێزگاى موسڵ، ژماره‌یه‌ك چه‌كدارى هێرشێكى چه‌كدارییان كرده‌ سه‌ر مالێكى كوردى ئێزیدى و له‌ ئاكامدا پیاو ئافره‌تى ماڵه‌كه‌ له‌گه‌ڵ هاورێییه‌كان كوژران و دوو منداڵه‌ى ئه‌و ماڵه‌ برینداربوون.

ئه‌مه‌ش له‌ كاتێكدایه‌ هێرشه‌ چه‌كدارى و په‌لاماره‌ تیرۆریستییه‌كان بۆ سه‌ر كوردانى ئێزیدى له‌ پارێزگاى موسڵ زیادى كردووه‌.
Top