نورى مالیكى سه‌رۆك وه‌زیرانى عێراق و كۆمسیۆنى باڵاى هه‌ڵبژاردنه‌كان به‌ته‌زویر كردن تۆمه‌تبار ده‌كرێن. له‌ مباره‌یه‌وه‌ سه‌رچاوه‌كانى هه‌واڵ بڵاویانكرده‌وه‌ كوتله‌ سیاسیه‌كانى عێراق له‌ نێویشیاندا كوتله‌ى مواتنى سه‌ربه‌ ئه‌نجومه‌نى باڵاى ئیسلامى به‌سه‌رۆكایه‌تى عه‌مار حه‌كیم و كوتله‌ى ئه‌حرارى سه‌ربه‌ ره‌وتى سه‌درو ئیئتیلافى نیشتیمانى به‌سه‌رۆكایه‌تى ئه‌یاد عه‌لاوى، حكومه‌تى عێراقى به‌سه‌رۆكایه‌تى نورى مالیكى و كۆمسیۆنى باڵاى سه‌ربه‌خۆى هه‌ڵبژاردنه‌كان به‌ته‌زویركردن له‌م هه‌ڵبژاردنه‌ى سیى چوارى رابردوو تۆمه‌تبار ده‌كه‌ن.

هاوكات ئه‌و كوتلانه‌ ئه‌وه‌شیان راگه‌یاند تانه‌ له‌ هه‌ڵبژاردنه‌كه‌ ده‌گرن و تیمى پارێزه‌رانى نێوده‌وڵه‌تى پێك ده‌هێنن بۆ به‌رگرى كردن له‌ مافه‌كانیان له‌ هه‌ڵبژاردنى ئه‌نجومه‌نى نوێنه‌ران، هاوكات داواى ئه‌وه‌شیان كرد لیكۆڵینه‌وه‌ى نێوده‌وڵه‌تى له‌ هه‌ڵبژاردنه‌كانى 30ى چوارى رابردوو بكرێت كه‌ گومانى ئه‌نجامدانى ته‌زویرى زۆرى لێده‌كرێت.