كۆمیسیۆنی باڵای سەربەخۆی هەڵبژاردنەكان لە عێراق رێژەی دەنگدانی گشتی و تایبەت و دەرەوە لە هەڵبژاردنی پەرلەمانی عێراق لە هەموو پارێزگاكانی عێراق بە هەرێمی كوردستانەوە راگەیاند.

موحسین موسەوی، ئەندامی كۆمیسیۆنی باڵای هەڵبژاردنەكان لە عێراق رایگەیاند: "رێژەی دەنگدانی گشتی لە هەڵبژاردنی خولی سێیەمی پەرلەمانی عێراق لە هەموو پارێزگاكانی عێراق بە هەرێمی كوردستانیشەوە، گەیشتە 60% و رێژەی دەنگدانی دەرەوە گەیشتە 77% و رێژەی دەنگدانی تایبەتیش گەیشتە 89%".

موحسین موسەوی گوتیشی "رێژەی دەنگدانی گشتی و تایبەت و دەرەوە لە هەڵبژاردنی پەرلەمان لە هەموو پارێزگاكانی عێراق بە هەرێمی كوردستانیشەوە بە شێوەیەكی گشتی گەیشتە 63%".

پرۆسەی دەنگدانی گشتی بۆ هەڵبژاردنی خولی سێیەمی پەرلەمانی عێراق لە 30.4.2014 لە هەموو پارێزگاكانی عێراق و هەرێمی كوردستان بەڕێوەچوو و تێیدا زیاتر لە ٢٠ ملیۆن دەنگدەر مافی دەنگدانیان هەبوو.










رووداو