ساڵح موتڵەگى جێگرى سەرۆك وەزیرانى عێراق سەر بە لیستى عیراقییە، وریایى دا لە هەوڵدان بۆ ورورژاندنى دەمارى تایفەیى پێش لە هەڵبژاردنەكانى ئەنجوومەنى پارێزگەكانى عێراق.

بەپێى یاسا دەبێ هەڵبژاردنەكانى ئەنجوومەنى پارێزگەكانى عێراق لە سەرەتاى ساڵى 2013 بەڕێوە بچێ، چونكە یەكەم هەڵبژاردن لە كانوونى دووەم/یەنایەرى 2009دا بەڕێوە چوو و هەر چوار ساڵێك ئەو هەڵبژاردنە ئەنجام دەدرێ.

بە پێى بەیاننامەیەكى كە نووسینگەى راگەیاندنەكەى بڵاوى كردووەتەوە، موتڵەگ لە دیدارێكیدا لەگەڵ ژمارەیەك لە سەرۆك هۆزەكانى هەردوو پارێزگەى موسەنا و ئەنبار راى گەیاند \"هەندێ كەس و لایەن هەوڵ دەدەن لەگەڵ نێزیكبوونەوەى وادەى هەڵبژاردنەكانى ئەنجوومەنى پارێزگەكاندا، دەمارى تایفەیى و حزبایەتى بوروژێنن\"".

موتڵەگ داواى لە عێراقییەكان كرد لەو هەڵبژاردنەدا \""لێوەشاوەترین\"" هەڵبژێرن و دەرفەت لە كیسى هەلپەرستان و دەسەڵاتخوازان بدەن.

لە سەرەتاى ئەمساڵدا كۆمسیۆنى باڵاى سەربەخۆى هەڵبژاردنەكانى عێراق راى گەیاند لە رەشنووسى كۆتاى یاساى هەڵبژاردنەكانى ئەنجوومەنى پارَزگەكان شارۆكەكانیان بووەتەوە."