سەرکردایەتی هێزەکانی پۆلیس لە بەسرە دووپاتی کردەوە کە لە توانایدایە ئەمن و سەقامگیری پارێزگاکە بەتەواوی بگرێتە ئەستۆ دوای کشانەوەی هێزەکانی ئەمەریکا لە کۆتای ئەمساڵدا، جەختیشی کردەوە لەسەر ئەوەی پێویستی بەچەک و مەشقکردن و پشتیوانی هەواڵگری زیاتر هەیە بۆ پاراستنی ناوچەکە.
فەیسەڵ کازم عەبادی بەڕێوەبەری گشتی بەڕێوەبەرایەتی پۆلیسی بەسرە وتی: \"کشانەوە یان مانەوەی هێزەکانی ئەمەریکا لە عێراق پەیوەستە بەبڕیارێکی سیاسی، بەڵام ئەگەر لە کۆتای ئەمساڵ بەتەواوی هێزەکان کشانەوە، ئەوکات هێزەکانی پۆلیس و دەزگە ئەمنییەکان دۆخی ئەمنی و سەقامگیری پارێزگاکە دەگرنە ئەستۆ\"".

وتیشی: \""ئێستا بارودۆخی پارێزگای بەسرە تا رادەیەک سەقامگیرە\""، پێی وابوو، سەردانەکانی ئەم دواییەی دیپلۆماتکار و پیاوانی کاری بیانی بۆ پارێزگاکە ئاماژەیە بەوەی بارودۆخی پارێزگاکە جیگیرە."