ناكۆكیەكانی نێوان هەردو لیستی دەوڵەتی یاسا و لیستی عێراقیە بەردەوامە و پەرلەمانتارێكی لیستی عێراقیە ئاشكرایی كرد كە دانوستانەكان گەیشتۆتە بن بەست، و دەوڵەتی یاسا لەهەوڵی ئەوەدایە عێراق بگێڕنەوە بۆ سەردەمی تاك حیزبی و تاك ڕەوی لە حوكمدا.

ئەمڕۆ یەك شەممە، \"ئەحمەد عەلوان\"" پەرلەمانتاری لیستی عێراقیە لە پەرلەمانی عێراق، ڕایگەیاند: دانوستانەكانی نێوان هەردو لیستی عێراقیە و دەوڵەتی یاسا گەیشتۆتە بن بەستء، لیستی دەوڵەتی یاسا نایەوێت ڕێككەوتنامەی هەولێر جێبەجێ بكات.
عەلوانی، وتیشی: وەزارتەكان بەشێوەیەكی یەكسان دابەش نەكراوە و نایەكسانی لەدابەشكردنی وەزارەتەكاندا هەیە بەتایبەت لە پۆستە ئەمنیەكان و دادوەریەكاندا.

پەرلەمانتارەكەی لیستی عێراقیە ئاشكراشی كرد كە فشارێكی زۆر لەسەر لیستی عێراقیە هەیە بۆئەوەی لە پرۆسەی سیاسی نەكشێتەوە و بەردەوام بێت.

پێشتریش لیستی دەوڵەتی یاسا لێدوانی بەرپرسانی لیستی عێراقیە لەسەر لێسەندنەوەی ماتمانە لە حكومەتی عێراق بە ڕای شەخسی سەركردەكان ناوبرد، و ئەو تۆمەتانەی ڕەت كردەوە كە دەوڵەتی یاسا لەهەوڵی ئەوەدابێت عێراق بگێڕێتەوە بۆ سەردەمی تاكە حیزب.

سەرچاوە/ سۆمەریە نیوز
"