برِیاره‌ هه‌فته‌ى داهاتو له‌ شارى به‌غداى پایته‌ختى عێراق لایه‌نه‌ سیاسیه‌كانى عێراق كۆببنه‌وه‌ به‌مه‌به‌ستى تاوتوێ كردنى ناكۆكى نێوان لایه‌نه‌ سیاسیه‌كان و كشانه‌وه‌ى هێزه‌كانى ئه‌مه‌ریكا له‌ عێراق.

ئه‌مرِۆ چوارشه‌ممه‌، به‌ها ئه‌عره‌جی سه‌رۆكى لیستى ئه‌حرار له‌ رِه‌وتى سه‌در رِایگه‌یاند: به‌م نزیكانه‌ له‌شارى به‌غدا و به‌ئاماده‌بونى مه‌سعود بارزانى سه‌رۆكى هه‌رێمى كوردستان و ئه‌یاد عه‌لاوى سه‌رۆكى لیستى عێراقیه‌ و سه‌ركرده‌ى لایه‌نه‌ سیاسیه‌كان كۆببنه‌وه‌ كه‌ مه‌به‌ست له‌ كۆبونه‌وه‌كه‌ دو ته‌وه‌ری سه‌ركى ده‌بێت

ئه‌عره‌جی وتیشی: له‌ كۆبونه‌وه‌كه‌دا تاوتوێى كشانه‌وه‌ى هێزه‌كانى ئه‌مه‌ریكا له‌ عێراق ده‌كه‌ن له‌گه‌ڵ تواناكانى سوپاى عێراق بۆ وه‌رگرتنى دۆسیه‌ى ئه‌منى وڵات به‌شێوه‌یه‌كى ته‌واو، و هه‌ڵسه‌نگاندنى بۆ ده‌كرێت، پاشان برِیار ده‌درێت له‌سه‌ر كشانه‌وه‌ یان مانه‌وه‌ى هێزه‌كانى ئه‌مه‌ریكا.

ئاماژه‌ى به‌وه‌شدا له‌ كۆبونه‌وه‌كه‌دا تاوتوێى ناكۆكیه‌كانى نێوان ئه‌یاد عه‌لاوى و نورى مالیكی ده‌كرێت.
سه‌رچاوه‌/ سه‌باح