ئه‌كته‌ری به‌ریتانی دیڤید لیجینۆ یه‌كێك له‌ پاڵه‌وانه‌كانی سێ به‌شی زنجیره‌ فیلمی هاری پۆته‌ر و رۆڵی فنریر جریپاكی به‌ گورگ بووی ده‌بینی، له‌ ویلایه‌تی كالیفۆرنیای ئه‌مریكی كۆچی دوایی كرد.
به‌پێ ماڵپه‌ڕی TMZی تایبه‌ت به‌ بڵاوكردنه‌وه‌ی هه‌واڵی ئه‌ستێره‌ ناوداره‌كان رایگه‌یاند لیجینۆ له‌ كاتی گه‌ڕان له‌ دۆڵی مردن له‌ كالیفۆرنیا كۆچی دوایی كرد و دوو گه‌شتیار ته‌رمی لیجینۆی ته‌مه‌ن 50 ساڵی به‌ مردوویی له‌ ناوچه‌یه‌كی دووره‌ده‌ست، به‌پێی راپۆرتی پۆلیس ره‌نگه‌ مردنه‌كه‌ به‌هۆی به‌رز بوونی پله‌ی گه‌رما بووبێت، چونكه‌ ئه‌و ناوچه‌یه‌ بیابانه‌ و پله‌ی گه‌رما له‌م وه‌رزه‌دا ده‌گاته‌ 50 پله‌ی سه‌دی، هه‌روه‌ها هیچ ئاماژه‌یه‌ك بۆ ئه‌وه‌ نییه‌ كه‌ مردنه‌كه‌ ئه‌نقه‌ست یان تاوان بووبێت و تا ئه‌و كاته‌ی توێكاری بۆ لاشه‌كه‌ی نه‌كرێت ناتوانرێ بڕیار له‌سه‌ر هۆكاری مردنه‌كه‌ی بدرێت.
لیجینۆ جگه‌ له‌وه‌ی ئه‌كته‌ره‌ له‌ هه‌مان كاتدا یاریزانێكی پیشه‌گه‌ر و پسپۆره‌ له‌ هونه‌ره‌كانی جه‌نگ و به‌رگری كردن و له‌ سێ به‌شی كۆتایی زنجیره‌ فیلمی هاری پۆته‌ر رۆڵی بینیوه‌.