هێلی له‌ڤ كچه‌ گۆرانیبێژی كورد، له‌ تۆڕی كۆمه‌ڵایه‌تی فه‌یسبوك ده‌رباره‌ی رووداوه‌كانی ئه‌م دواییه‌ی كوردستان و به‌رگری پێشمه‌رگه‌ له‌ خاكی نیشتیمان دژی داگیركه‌ران سڵاو و خۆشه‌ویستی خۆی بۆ پێشمه‌رگه‌كانی كوردستان ده‌نێری و ده‌ڵیت: سلاو خۆشەویستی بۆ یەکە یەکه‌ی پێشمەرگە ماندوونەناسەکان دەنێرم.
هیلی له‌ڤ پێشمه‌رگه‌ به‌ نیشانه‌ی سه‌روه‌ری ده‌زانی و ده‌ڵێ:پێشمەرگە واتا سەروەری، سەرفرازی، خۆراگری، خۆشەویستی ووڵات و خاک و نیشتمان، پێشمەرگە مان و نەمانە.
هیلی له‌ڤ هه‌روه‌ها ده‌ڵێ: کوردستان و پێشمەرگە وەکو خوێن و جەستە، وەک ئاواز و بەستە ئاوێتەی خوێن و روحی هەموو هاونیشتمانیەکی ئەم نیشتمانە شرین و جوانەمانە.
لەم کاتە هەستیار و ناسکەدا سلاو خۆشەویستی بۆ یەکە یەکە پێشمەرگە قارەمان و ماندوونەناسەکان دەنێرم، لە پەروەردگار دەپارێمەوە گشت پێشمەرگەکانمان بپارێزێت و ئاژاوە و کوشتار و ترس و تیرۆر لە ووڵاتەکەمان دووربێت.. بژی پێشمەرگە بژی کوردستان..