كچه‌ گۆرانیبێژی لوبنانی ئه‌لیسا ئاهه‌نگێكی ساز كرد به‌بۆنه‌ی تیپه‌ڕینی ژماره‌ی هه‌وادارانی له‌سه‌ر تۆڕی كۆمه‌ڵایه‌تی تویته‌ر له‌ 3 ملیۆن و نیو، ئه‌مه‌ش ژماره‌یه‌كی زۆره‌ بۆ هونه‌رمه‌ندێكی عه‌ره‌ب له‌و كاته‌ی كه‌ ركابه‌رێتیی توند له‌ نێوان هونه‌رمه‌نداندا هه‌یه‌.
ئه‌لیسا ئه‌م ژماره‌یه‌ی به‌ (نایاب) وه‌سف كرد و به‌م بۆنه‌یه‌وه‌ سوپاسنامه‌یه‌كی ئاراسته‌ی هه‌وادارانی خۆی كرد كه‌ به‌رده‌وام چاودێری په‌یجه‌كه‌ی ده‌كه‌ن تا گه‌یشته‌ ئه‌و ژماره‌یه‌، شایه‌نی وتنه‌ ئێستا ركابه‌رێتییه‌كی به‌هێز له‌ نێوان هونه‌رمه‌نداندا هه‌یه‌ له‌سه‌ر تۆڕه‌ كۆمه‌ڵایه‌تییه‌كان و به‌رده‌وام هه‌وڵ ده‌ده‌ن ژماره‌كه‌ زیاد بكه‌ن، به‌م دواییه‌ش هه‌یفا وه‌هبی ئاهه‌نگێكی تایبه‌تی ساز كرد به‌بۆنه‌ی گه‌یشتنی ژماره‌ی هه‌وادارانی له‌سه‌ر تۆڕی كۆمه‌ڵایه‌تی فه‌یسبوك به‌ 5 ملیۆن كه‌س.