كچە ئەكتەری ناسراوی هیندی سواستیكا موخەرجی بەم دواییە لە دیمانەیەكدا لەگەڵ رۆژنامەی Mid-Day چەندین نەێنی دەربارەی ژیانی تایبەتی خۆی ئاشكرا كرد كە تا راددەیەك نوێ بوون بۆ جەماوەرەكەی لە هەمان كاتدا هەندێك لە نەێنییەكانی مایەی سەرسوڕمان بوون و جەماوەرەكەی تووشی شۆك كرد بەتایبەتی ئەوەی پەیوەندی بە خۆشەویستی و ژیانی تایبەتی خۆیەوە هەیە.
یەكێك لەو نەێنی و دان پێدانە سەیرەكان بەلای جەماوەرەكەی هەوڵی خۆ كوشتنی بوو، سواستیكا رایگەیاند كە جارێكیان هەوڵی خۆ كوشتنی داوە لە دەرەنجامی ناكۆكییەكی نێوان خۆی و یەكێك لە هاوڕێ نزیكەكانی و بۆ ئەم مەبەستەش بە پەلە گەیەنراوەتە نەخۆشخانە، هەر لەم دیمانەیەدا ئەو پزیشكەی كە چارەسەریشی كردووە دەڵێ: رۆژێكیان ەێنایانە نەخۆشخانە و چەند پارچە شووشەیەك لە باسكی راستی چەقی بوو، دوای ئەوەی ئێمە نەشتەرگەرییەكمان بۆ ئەنجامدا و خوێنبەربوونەكەمان وەستاند توانیمان لە مردن رزگاری بكەین و ئێستا باری تەندروستیی باشە.
بەپێی چەند سەرچاوەیەكی نزیك لە سواستیكا دوای ئەوەی لە ئاهەنگێكی شەوانە لە ماڵی یەكێك لە هاوڕێكان لەگەڵ دەرەێنەری فیلمە نوێیەكەی دەبێتە مشتومڕیان دەگەڕێتەوە ماڵەوە و هەوڵی خۆ كوشتن دەدات، بەڵام بە هەوڵی پزیشكان لە مردن رزگاری دەبێت.