ئه‌و رۆژه‌ی كه‌ ته‌قینه‌وه‌كه‌ی ئه‌م دواییه‌ی به‌یروت روویدا، نانسی عه‌جره‌م له‌ په‌یجی تایبه‌تیی خۆیدا له‌ تویته‌ر وێنه‌یه‌كی نوێی بڵاوكرده‌وه‌ ئه‌مه‌ش بووه‌ هۆی ئه‌وه‌ی كه‌ خه‌ڵك زۆر ئاگایان له‌و وێنه‌یه‌ی نانسی نه‌مینێت.
له‌ هه‌مان كاتدا نانسی رووبه‌رووی ره‌خنه‌یه‌كی زۆر بۆوه‌ گوایه‌ نانسی ئاگای له‌ روودواوه‌كانی وڵات و كوشتنی ژماره‌یه‌كی زۆری رۆڵه‌كانی وڵاتی خۆی نه‌ماوه‌ و ته‌نیا گرنگیی به‌ خۆی ده‌دات، ئه‌وه‌ی زیاتر نانسیی دووچاری ره‌خنه‌ كرده‌وه‌ ئه‌و لێدوانانه‌ بوو كه‌ هونه‌رمه‌ندانی دیكه‌ بڵاویان كرده‌وه‌ به‌تایبه‌تی ئه‌لیسا و راغب عه‌لامه‌ كه راسته‌وخۆ دوای رووداوه‌كه‌‌ به‌ توندترین شێوه‌ ئیدانه‌یان كرد و دڵته‌نگیی خۆیان و هاوخه‌می خۆیان بۆ قوربانیان ده‌ربڕی و هیوای چاكبوونه‌وه‌یان بۆ برینداره‌كان خواست و ئاماده‌یی خۆیان بۆ هه‌موو هاوكارییه‌ك نیشاندا.