بەبۆنەی تێپەڕبوونی 20 ساڵ بەسەر كردنەوەی خانەی (كریستیان لۆبۆتان)ی تایبەت بە بەرهەمهێنانی پێڵاوی گرانبەها ئاهەنگێكی گەورە ساز كرا، كچە هونەرمەندنی لوبنانی مایا دیاب یەكێك بوو لەئامادەبووانی ئەم ئاهەنگە.
مایا تەنیا لەئاهەنگەكە ئامادە نەبوو وەكو میوانێكی ئاسایی، بەڵكو پێڵاوێك و جانتایەكی دەستی گرانبەهای كڕی كە نرخەكەیان گەیشتە 11500 دۆلار، ئەم هەنگاوەی مایاش بووە مایەی سەرنجی ئامادەبووانی ئاهەنگەكە و وەك ڕووداوێك باسیان كرد.
مایا هەر لەئاهەنگەكەدا ئەوەی ڕاگەیاند كە گەڕانەوەی بۆ پێشكەش كردنی بەرنامەی (هیك منغنی) دیار نییە و دووپاتیشی نەكردەوە كە ناگەڕێتەوە، هەروەها ئەوەشی ئاشكرا كرد كە لەماوەی ڕابردوودا چەندین فیلمی ڕەتكردۆتەوە، چونكە ئەو ڕۆڵانەی پێی سپێردرا بوون هەموویان ڕۆڵی وروژێنەر بوون كە ئەو خۆی تێیدا نەدەدۆزیەوە و هەستی دەكرد كە هیچ ئیزافەیەكی نابێت بۆ سەر كاروانی هونەری خۆی بەتایبەتی لەلایەنی جەماوەرییەوە.