دوای ئەوەی كچە ئەكتەری ئەمریكی جنیڤەر هادسۆن سیستمێكی خۆراكی قورسی پێڕەو كرد توانی نزیكەی 40 كیلۆ گرام لەكێشی لەشی لەدەست بدات. ئەمەش بووە هۆی ئەوەی كە زۆر شانازی بەخۆیەوە بكات و بڵاوكردنەوەی كتێبە تایبەتەكەی خۆی كە تایبەتە بەچۆنیەتی كەمكردنەوەی كێشی لەش و بەناوی (memoir)ە بەدەرفەتێك زانی بۆ ئەوەی لەنێو چەند شارێكی ئەمریكیدا بگەڕێت و ڕیكلامی بۆ بكات، هەروەها بۆ ئەوەی لەنزیكەوە خەڵك بیبینن كە چۆن كێشی لەشی دابەزیوە و ئێستا لەشی چۆنە و چ جیاوازییەكەی هەیە لەگەڵ پێشووتر و هەست بەچی دەكات، بۆ ئەم مەبەستە هادسۆن بەشانازییەوە باسی لەوە دەكرد كە خاوەن ئیرادەیەكی بەهێزە بۆیە توانیی لەو ماوەیەدا بەو شێوەیە كێشی لەشی دابەزێنێت و ئامۆژگاری كچانی كرد بەتایبەتی قەڵەوەكان بۆ ئەوەی بەهەمان شێوە هەوڵ بدەن خۆیان لەكێشی زیادی لەش ڕزگار بكەن، چونكە مایەی گرفتی تەندروستی زۆرە.
