هەرچەندە خانمە گۆرانیبێژی ناوداری ئەمریكی تا ئێستا دوو جار فەشەلی هێناوە لەژیانی هاوسەریدا، بەڵام ئەوەی ڕاگەیاند كە تا ڕاددەیەكی زۆر ڕۆمانسییە لەژیانی خۆیدا و بێئومێد نەبووە لەدۆزینەوەی سوارچاكی خەونەكانی.
بەڵام مادۆنا ئەوەشی ئاشكرا كرد زۆر زەحمەتە هەر كەسێك لەئێمە بگات بەخۆشەویستییەكی كامڵ لەژیانیدا و ئەو خۆشەویستییە هەر وەكو خەونێك دەمێنێتەوە بۆ هەر كەسێك، ئەم لێدوانانەی مادۆنا لەكاتی ئامادەبوونی هاتن لەیەكەم نمایشی فیلمی (W.E) كە لەبەریتانیا نمایش كرا و مادۆنا خۆی وەك دەرهێنەر بەشداری تێدا كردووە هەروەها بەشداریش بووە لەنووسینەوەی بەشێكی ئەم فیلمە نوێیە، وەك هەموو جارێك ستایلی جلوبەرگ و زێڕ قژی مادۆنا بوون بەباسی میدیاكان و لەگەڵ باسكردنی فیلمەكە ئەم لایەنەشیان فەرامۆش نەكرد و گرنگییەكی زۆریان پێیدا.