دوای ئەوەی شەش بەش لە فیلمی “ fast and furious “ بەرهەم هێندرا و داهاتێكی باشی بۆ بەرهەمهێنەران كۆكردەوە، دواتر بەرهەمهێنەرانی ئەم فیلمە بڕیاریان داوە كە بەشێكی دیكەش لەم فیلمە بەرهەم بهێندرێت و بە هەمان شێوەیش ئەكتەری ئەمەریكی و پاڵەوانی بەشەكانی پێشووی ئەم فیلمە (ڤین دیزێل) ڕۆڵی سەرەكی تێدا بگێڕێتەوە.

هەروەها بڕیارە كە سیناریۆی ئەم فیلمە لە لایەن (كریس مۆرگن)ـەوە بنووسرێتەوە و، به‌مزووانە‌ش كاری وێنەگرتنی بۆ ئەنجام دەدرێت.

بەرهەمهێنەران ڕایشیانگەیاندووە كە (جاستین لین)، كە پێشتر كاری دەرهێنانی بۆ به‌شی سێیه‌م ئەم فیلمە ئەنجام داوە، جارێكیتریش كاری دەرهێنان بۆ ئەم بەشە نوێیە دەكات‌.

چیرۆكی فیلمه‌كه‌ باسی كوڕێك ده‌كات كه‌ به‌ چه‌ندین شێوازی جۆراوجۆر چه‌ند ئه‌ركێكی پێده‌سپێردرێت كه‌ ئه‌گه‌ر ئه‌نجامیان نه‌دات گیانی ده‌كه‌وێته‌ مه‌ترسییه‌وه‌، ئه‌ركانیش سه‌رچاوه‌كانی نادیاره‌.

ئه‌م كوڕه‌ هه‌ر له‌و سه‌روبه‌نده‌دا تووشی ئافره‌تێك ده‌بێت كه‌ ئه‌ویش له‌مجۆره‌ ئه‌ركانه‌ی پێسپێردراوه‌، ئه‌م دوو كه‌سه‌ ده‌بێت به‌یه‌كه‌وه‌ ئه‌ركه‌كان ڕاپه‌ڕێنن و هاوكاتیش دەیانەوێت بیدۆزنه‌وه‌ كێ له‌پشت ئه‌م شتانه‌وه‌یه‌.



-هەولێر