له‌سه‌ر بانگهێشتی ره‌سمی دامه‌زراوه‌ی خه‌ڵاتی عه‌بدولعه‌زیز سعود ئه‌لبابتین، چوار شاعیری كورد له‌ هه‌رێمی كوردستانه‌وه‌ به‌شداری له‌ كۆڕی شیعریی (له‌پێناو پێكه‌وه‌ژیان به‌ ئاشتی) دا ده‌كه‌ن له‌ وڵاتی دوبه‌ی، كه‌ به‌سه‌رپه‌رشتی شێخ محه‌مه‌د بن راشد ئال مه‌كتوم له‌ 16-18 ی ئه‌م مانگه‌دا به‌ڕێوه‌ده‌چێت.
به‌گوێره‌ی ئه‌و داوه‌تنامه‌یه‌ی ئاڕاسته‌ی شاعیره‌ كورده‌كان (حه‌سه‌ن سلیڤانی، قوبادی جه‌لی زاده‌، مه‌هاباد قه‌ره‌داغی و گوڵاڵه‌ نوری) كراوه‌، نوخبه‌یه‌ك له‌ ئه‌دیبان و ئه‌كادیمی و كه‌سایه‌تییه‌ سیاسی و فیكرییه‌كان و پیاوانی میدیاكان بانگهێشتكراون بۆ ئه‌و كۆڕه‌ شیعرییه‌ كه‌ چالاكی رۆشنبیری جیاواز له‌خۆ ده‌گرێت.
دامه‌زراوه‌ی خه‌ڵاتی عه‌بدولعه‌زیز سعود ئه‌لبابتین دامه‌زراوه‌یه‌كی روشنبیری كوێتییه‌ و بایه‌خ به‌ داهێنانی شیعری ده‌دات و ساڵانه‌ فێستیڤاڵی شیعری له‌ شوێنه‌ جیاجیاكانی جیهاندا رێكده‌خات.
puk-midia