ئەنتۆنیۆ کۆنتی ئیتاڵی و راهێنەری یانەی چێڵسی پاڵەوانی پریمەرلیگ لەبارەی ئیدن هازاردی هێرشبەری یانەکەی هاتە دەنگ.

لەلێدوانێکدا بۆ رۆژنامەی دەیلی ئێکسپرێس و لەبارەی دەنگۆی بەجێهێشتنی یانەی چێڵسی لەلایەن ئیدن هازاردەوە، ئەنتۆنیۆ کۆنتی راهێنەری پاڵەوانی پریمەرلیگ رایگەیاند هازارد دڵخۆشە لەگەڵیاندا و دەیەوێت لەگەڵ یانەکەی بەردەوام بێت.

کۆنتی گووتیشی: لەرابردوو هەواڵی زۆرم لەسەر خواستی یانەی ریاڵ مەدرید بۆ گواستنەوەی هازارد خوێندووەتەوە، ئێستاش باسی بەرشلۆنە دەکەن، ئەوانە هەموویان دەنگۆی کاتی گواستنەوەی یاریزانانە و من بەباشی تێی دەگەم.

هازار لەکۆتایی وەرزی رابردوودا دووچاری پێکان هاتوو لەو کاتەوە تا ئێستا لەگەڵ هەڵبژاردەی بەلژیکا دەرنەکەوتووە، هاوکات لەگەڵ یانەی چیڵسیش گەشتی چینی نەکرد.


محمد سلێمان