وابریارە ئەمرۆ لەیارییەكانی گەڕی دووەمی قۆناغی گرووپەكان پاڵەوانیەتی جامی نەتەوەكانی ئەوروپای خوار تەمەن (21) ساڵان هەردوو هەڵبژاردەی پورتوگال و ئیسپانیا رووبەرووی یەكترببنەوە.

یارییەكە كاتژمێر (9:45) شەو بەكاتی هەولێر لەیاریگای (گوسیر) لەشاری گداینا لە وڵاتی پۆڵەندا بەرێوەدەچێت.

هەردوو هەڵبژاردە لە كۆمەڵەی دووەم یاری دەكەن شان بەشانی هەڵبژاردەكانی مەقدۆنیا و سڕبیا، لەیارییەكانی گەڕی یەكەم، پورتوگال لە سربیای بردەوە و ئیسپانیاش گۆڵبارانی مەقدۆنیای كرد.

هەردوو هەڵبژاردەكەش پاڵێوارون بۆ بەدەستهێنانی نازناوەكە و ئەگەر لەیارییەكە یەكسانبن ئەوە بەرێژەیەكی زۆر سەركەوتنیان بۆ قۆناغی داهاتوو مسۆگەردەكەن.


محمد سلێمان