یانەی گۆڵدن ستەیت واریورز نازناوی خولی باسکەی ئەمریکای ناسراو بە NBA بەدەستهێنا، دوای ئەوەی لە یاریی کۆتاییدا بە 129 خاڵ بەرامبەر 120 خاڵ لە یانەی کلیڤلاند کاڤالێرز بردەوە.

یارییەکە بەرەبەیانی ئەمڕۆ سێشەممە ئەنجامدرا و کیڤن دورانت، سەرکردایەتی گۆڵدن ستەیتی کرد بۆ بردنەوەی یارییەکە کاتێک توانیی 39 خاڵ بۆ یانەکەی تۆماربکات و ستیڤن کیوریش 34 خاڵی تۆمارکرد لە یارییەکەدا لیبرۆن جەیمس، ئەستێرەی یانەی کلیڤلاند هەرچەند توانیی 41 خاڵ تۆماربکات، بەڵام نەیتووانی نازناوەکە بۆ یانەکەی یەکلایبکاتەوە و گۆڵدن ستەیت نازناوەکەی بۆ پێنجەم جار لە مێژوویدا بردەوە کە ساڵانی 1947، 1956، 1975 و 2015 نازناوەکەی بەدەستهێناوە.

ساڵی رابردوود واریورز ژمارەی پێوانەیی لە بردنەوەی یارییەکان تۆمارکرد، کاتێک 73 یاریی بردەوە و تەنیا یەک هەنگاو مابوو بۆ بردنەوەی نازناوی خولەکە بۆ وەرزی دووەم لەسەریەک، بەڵام نازناوەکەی لەدەستدا و ئەم وەرزە بەهێزەوە گەڕایەوە و توانیی نازناوەکە بەدەستبهێنێت.

محمد سلێمان