رافایل نادالی تێنسزانی ئیسپانی بۆ جاری 10مین لە مێژوویدا بووە پاڵەوانی رۆلاند گارۆس، دوای بردنەوەی لە ستانیسلاس ڤافرینکای سوێسری.

لە یاری کۆتاییدا هەردوو تێنسزانەکە رووبەڕووی یەکدی بوونەوە و نادال یارییەکەی بردەوە و بۆ جاری 10مین لە مێژوویدا بووە پاڵەوانی رۆلاند گارۆس.

لە کۆمەڵەی یەکەمدا نادال بەهێزەوە دەرکەوت و ئەم کۆمەڵەیەی بە ئاسانی و بە ئەنجامی شەش دوو بردەوە.

لە کۆمەڵەی دووەمیشدا نادال بە هەمان شێوەی بە ئاستێکی بەرزەوە دەرکەوت و ئەم کۆمەڵەیەشی بە ئەنجامی شەش سێ بردەوە.

لە کۆمەڵەی سێیەمدا نادال بە ئەنجامی شەش یەک سەرکەوت و یارییەکەی بە ئەنجامی سێ کۆمەڵەی بێبەرامبەر بردەوە.

دوای بردنەوەی ئەم نازناوە، نادال بۆ جاری 10مین لە مێژوویدا بووە پاڵەوانی رۆلاند گارۆس، کە ژمارەیەکی پێوانەییە و هیچ یاریزانێک ئەم ژمارەیەی تۆمارنەکردووە.

محمد سلێمان