ئەلڤارۆ مۆراتای ئیسپانی و هێرشبەری یانەی ریال مەدرید دڵتەنگی خۆی بەرامبەر كەمی یاریكردنی لەگەڵ تیپەكەی نیشاندا.

مۆراتا لەدوای یارییەكەی دوێنێ بەرامبەر یانەی غەرناتە لەیارییەكانی گەڕی (36) خولی ئیسپانیا كە دوو گۆڵی تۆماركرد وتی: من بیر لەژمارەی گۆڵەكان ناكەمەوە، من دەمەوێت بردنەوە تۆماربكەم و نازناوی خولی ئیسپانی و چامپیۆنس لیگ بەدەستبهێنم.

ئەو وتیشی: لەراستیدا دەمەوێت بەشداری یارییەكان بكەم، من دەمەوێت یاری بكەم، پێم وایە كەمتر لەو خولەكە یاری دەكەم كە پێشبینیم دەكرد، بۆئەمەیان دڵتەنگم.

مۆراتا ئەوەش دەڵێت: من هەوڵمدا بۆ ئەوە بگەرێمەوە ریال مەدرید تا خولەكی زیاتر یاری بكەم و بەشداری یاری زۆرتر بكەم، دەمەوێت لەهەموو یارییەكان ئامادەبم، بەڵام لەكۆتاییدا ئەمە بەدەست راهێنەرە.

محمد سلێمان