رۆژی چوارشەممە لە شاری دهۆك یارییەكانی خولی نایابی عێراق بۆ فۆتسال لەسەر ئاستی كچان دەستی پێكرد، دوای ئەوەی هەر شەش یانەی (گازی باكوور، سێمێڵ، ئەفرۆدێت، شەهربان، قوە جویە، حەدود) سەركەوتن بۆ قۆناغی كۆتایی و یارییەكان لە شاری دهۆك ئەنجام دەدێت.
لە رۆژی یەكەمی ركابەرییەكە یانە كوردستانیەكان دوو سەركەوتنی گەورەیان بە دەستهێنا دوای ئەوەی یانەی سێمێڵ بە ئەنجامی (10-0) گۆڵ لە یانەی حەدودی بردەوە و یانەی ئەفرۆدێت بە ئەنجامی (8-1) گۆڵ لە یانەی شەهربانی بردەوە و لە لووتكەی یارییەكانی ئەم خولە هەردوو یانەی قوە جویە و گازی باكوور بە ئەنجامی (2-2) گۆڵ یەكسانبوون.
وا بریارە یارییەكانی ئەم خولە بەشێوازی خول بە یەك قۆناغ ئەنجام بدرێت.
رێبین رەمزی