یەكێتی تۆپی پێی كوردستان چەند بریارێكی گرنگی دا
1- سەرجەم یارییەكانی چوار گۆشەی زێرینی خولی نایابی پێشمەرگەی كوردستان لە رۆژانی پێنچشەممە كاتژمێر (3:30) خولەكی ئێوارە ئەنجام دەدرێت.
2- یاریزانانی یانەكانی چوار گۆشەی زێرینی خولی نایابی پێشمەرگەی كوردستان:
أ- هەر یاریزانێك یەك یان دوو كارتی زەردی لە قۆناغی كۆمەڵەكان هەبێت، ئەوە بۆ چوار گۆشەی زێرین دەسرێتەوە.
ب- كارتی سوور یان سێ كارتی زەرد لەسەر یاریزانەكان دەمێنێتەوە و مافی یاریكردنی لە یاری یەكەمی چوار گۆشەی زێرین نییە.
جێگەی باسە هەر ئەمرۆ پێنچشەممە یەكێتی تۆپی پێی كوردستان كۆبوونەوەی لەگەڵ ستافی راهێنەران و سەرپەرشتیار و نوێنەری هەرچوار یانەی سەركەوتوو بۆ چوار گۆشەی زێرینی خولەكە ئەنجامدا بەمەبەستی گفتوگۆكردن و چۆنیەتی بەرێوەچوونی یارییەكانی چوار گۆشەی زێرین.
رێبین رەمزی
