پاش ئەوەى لەماوەى ڕابردوودا رۆژنامەکانى ئیسپانیا تۆمەتى خۆدزینەوە لەباجیان ئاڕاستەى کریستیانۆ ڕۆناڵدۆى ئەستێرەى یەکەمى ڕیاڵ مەدرید کرد ئەو یانەیە ڕاگەیەندراوێکى بڵاوکردەوە و ڕەتیکردەوە یاریزانەکەیان لەو کارەوە تێوەگلابێت.

ڕاگەیەندراوەکەى ڕیاڵ مەدرید دەڵێت: سەرەڕاى ئەو ڕاپۆرتانەى لەسەر ڕۆناڵدۆ بڵاوکراوەتەوە و تۆمەتى خۆدزینەوە لەباج خراوەتەوە پاڵى، بەڵام ئەو یاریزانە لەلایەن بەڕێوەبەرایەتى باجی ئیسپانیەوە لەو تۆمەتە بێبەرى کراوە و تەئکید کراوەتەوە کە یاریزانە پورتوگالیەکە تائەمڕۆ هیچ پارەیەکى باجی لەسەر نیە.

یانەکە دەشڵێت: هەموو ئیدارەى تیپەکە ڕێزێکى تایبەتیان هەیە بۆ ڕۆناڵدۆ لەپاى ئەو هەڵوێستانەى کەپێشتر بەرامبەر باجی ئیسپانیا پێشکەشی کردووە و ڕۆناڵدۆ یەکێکە لەو یاریزانانەى کەپێویستە هەموان چاوى لێبکەن و هاوشێوەى ئەو کار لەگەڵ یاساکانى ئیسپانیا بکەن.

ئەم ڕاگەیەندراوەى ڕیاڵ مەدرید لەکاتێکدایە لەماوەى ڕابردوودا رۆژنامەى مۆندۆ دیپۆرتیڤۆ ئاشکراى کرد، رۆناڵدۆ خۆی لەپێدانى باج خۆی دزیوەتەوە و پێدەچێت ماوەى چوار ساڵ سزاى زیندانى بەسەر بسەپێندرێت.

hamataqana