لە چوارچێوەی یارییەكانی هەفتەی دووەمی قۆناغی یەكەمی خولی نایابی پێشمەرگەی كوردستان بۆ تۆپی پێی، ئەمرۆ پێنجشەممە سێ یاری بەرێوەچوو.
لە یاریگای هەندرێن، یانەی هەندرێن یەكەم سەركەوتنی بە دەستهێنا كاتێك توانی بە ئەنجامی (1-0) گۆڵ لە یانەی كەركووك بباتەوە، گۆڵەكەی هەندرێن لە رێگەی یاریزان سەنگەر عەبدولكەریم تۆماركرا.
لە یاریگەی پیرمام هەردوو یانەی ئارارات و زاخۆ بە ئەنجامی (2-2) گۆڵ یەكسانبوون، گۆڵەكانی ئارارات لە رێگەی یاریزانان (ئەلێكس ئاگۆی، عەلی عەزیز) تۆماركرا و گۆڵەكانی یانەی زاخۆ لە رێگەی یاریزانان (سەرمەد چیا و سەردار عومەر تۆماركرا).
لە یاریگەی گارە هەردوو یانەی گارە و شێروانە بە ئەنجامی (2-2) گۆڵ یەكسانبوون، گۆڵەكانی گارە لە رێگەی یاریزانان (ئەحمەد شرشاب، مەحمود عەبدولسەلام) تۆماركران و گۆڵەكانی یانەی شێروانە لە رێگەی یاریزان (عەلی محەمەد، هاودین) تۆماركرا.
وا بریارە سبەی هەینی سێ یاری ئەنجام بدرێت بەمشێوەیە:
هەولێر - زێرەڤانی یاریگەی شەهید فرەنسۆ هەریری
برایەتی - گازی باكوور یاریگەی برایەتی
نەورۆز - دهۆك یاریگەی نەورۆز
یارییەكان كاتژمێر 2:30 خولەك ئەنجام دەدرێت.
رێبین رەمزی