یانەی ئەسپسواریی نێودەوڵەتی هەولێر دووەمین نمایشی ئەسپی عەرەبی بە بەشداریی سی و هەشت ئەسپی رەسەنی جۆری واهۆی لە ناو هۆڵی داخراوی یانەکە بۆ ماوەی دوو رۆژ بەڕێوەبرد.
ئەم چالاکیە بەشێوەیەکی زۆر رێکوپێک لە لایەن ستافێک لە چاودێران و ناوبژیوانانی وڵاتانی ئەوروپا و عەرەبی بەڕێوەبردرا لەسەر سیستەمی یاساکانی جیهانی.
دوای ململانێیەکی بەهێز خیدارۆ، کە ئەسپێکی سپی سەرنج راکێشە نازناوی جوانترین ئەسپی عەرەبی بردەوە و تەواوی دەنگی لیژنەی بەڕێوەبردنی نمایشەکەی وەرگرت.
یانەی ئەسپسواریی نێودەوڵەتی هەولێر تاکە یانەیە لەسەر ئاستی کوردستان و عێراق تایبەتمەندە بە یاریی سوارچاکی، هەروەها تەواوی مەرجە نێودەوڵەتیەکانی ئەم یارییەی تێدایە.
رێبین رەمزی