یانەی ریاڵ مەدریدی ئیسپانی گریبەستی گاریس بەیڵی تا ساڵی ٢٠٢٢ نوێکردەوە و بەوەش دەرگای لەسەر ئەو یانانە داخست کە هەوڵیان بۆ گواستنەوەی دەدا.

بەیڵ یەکێکە لە یاریزانە گرنگەکان بۆ پێکهاتەی ڕیاڵ مەدرید بە تایبەت کە زیدان بۆ هێڵی پێشەوە لەگەڵ ڕۆناڵدۆ و بێنزیمە پشتی پێ دەبەستێت.

ڕۆژنامەی ئاسی ئیسپانی ڕاپۆرتێکی لە بارەی ریاڵ مەدرید و گاریس بەیڵەوە بڵاوکردۆتەوەو باسی لە چوار هۆکار کردووە کە وایکردووە ڕیاڵ مەدرید گرێبەستی بەیڵ تا ساڵی ٢٠٢٢ نوێبکاتەوە.

هۆکارەکان کە لە ڕۆژنامەی ASی ئیسپانیدا هاتووە ئەمانەن:

یەکەم: ریاڵ مەدرید خەمی گاریس بەیڵی بوو کە بڕوات بۆ یانەکانی تر بە تایبەت کە یانەی مانچستەر یونایتد ماوەیەکی زۆرە هەوڵی بۆ دەدات.

دووەم: ڕیاڵ مەدرید بۆیە دەیویست بەیڵ بمێنێتەوە، لەبەر ئەو هێزە گۆڵکاریەیی کە هەیبوو بە تایبەت لەم وەرزەی دواییدا کە توانی ڕێژەیەکی زۆر گۆڵ بکات و یارمەتی ڕیاڵ مەدرید بدات.

هەروەها لە وەرزی ٢٠١٣ بۆ ٢٠١٤ توانی ٢٢ گۆڵ بکات لە وەرزی ٢٠١٤ بۆ ٢٠١٥ شدا توانی ١٧ گۆڵ بکات.

سێهەم: ڕیاڵ مەدرید دەزانێت کە گاریس بەیڵ هێزێکی تایبەتی لە خێرایی و هەروەها لە ڕووی جەستەییەوە هەیە و یەکێک بووە لە پاڵێوراوەکانیش بۆ خەڵاتی باڵۆن دۆڕی باشترین یاریزان لە پاڵ کریستیانۆ ڕۆناڵدۆ.

چوارەم: ڕیاڵ مەدرید دەزانێت کە گاریس بەیڵ کەسێکی گونجاوە بۆ ڕیکلامەکان کە پارەیان بۆ دەهێنێت بە تایبەت لە نیویۆرکی ئەمریکا و فرۆشتنی درێسەکەیەوە.

hamataqana