سێرجیۆ بۆسکێتس ناوه‌ڕاستکاری یانه‌ی بارسێلۆنا دان به‌وه‌دا ده‌نێت یانه‌که‌ی نه‌یتوانی به‌رامبه‌ر گلادباخ وه‌ک پێویست جێگه‌ی لیۆ پڕ بکاته‌وه‌.

بارسا روبه‌رووی میونشنگلادباخ بووه‌وه‌ و به‌ زه‌حمه‌ت توانی شکست به‌ یانه‌ ئه‌ڵمانییه‌که‌ بهێنێت، بۆسکێتس دوای یارییه‌که‌ بۆ ماڵپه‌ری فه‌رمی یانه‌که‌ی وتی: هه‌مووکات پێویستمان به‌ مێسی یه‌ کاتێک به‌ جیاوازیه‌کی زۆرکه‌م یارییه‌که‌ ده‌به‌یته‌وه‌ ده‌زانیت که‌ بێ مێسی به‌ یانه‌که‌وه‌ دیاره‌.

ئینیێستاش قسه‌ی خۆی هه‌یه‌ له‌سه‌ر یارییه‌که‌ و وتی: یارییه‌که‌ ئاسان نه‌بوو چونکه‌ له‌ پێشه‌وه‌ بۆشایی نه‌بوو، پێمان وابوو دێنه‌ پێش و فشارمان له‌سه‌ر دروست ده‌که‌ن به‌ڵام ته‌نیا به‌رگرییان کرد، له‌ نیوه‌ی دووهه‌م گۆڕانکاریمان له‌ شیوازی یاریکردنمان کرد و به‌رده‌وامی زیاترمان دا به‌ خۆمان.

hamataqana