ئەمڕۆ لە گەڕی شەشەمی پڕێمەر لیگدا، یانەی مانچێستەر سیتی میوانداری یانەی سوانزی سیتی دەكات و هەوڵی مانەوە لە پێشەنگ دەدات و لە هەمان کاتدا بە سەرکەوتن گواردیۆلا ڕیکۆردێکی هەریەکە لە ڕاهێنەران کارلۆ ئەنچیلۆتی و پیلیگرینی دەشکێنێت.

لەم بارەیەوە، میدیاکانی بەریتانیا بە بایەخەوە باسی یاری مانچێستەر سیتی و سوانزی دەکەن، کە گرنگییەکی تایبەتی بۆ یاریزانانی پیپ گواردیۆلا هەیە، کە بە کۆکردنەوەی 15 خاڵ توانیویانە پێشەنگی ڕیزبەندی یانەکانی پرێمەر لیگ داگیر بکەن و لە هەر پێنج یاری ڕابردوودا سەرکەوتن تۆمار بکەن.

لە لایەکی دیکەوە بە بردنەوەی تیپەکەی گواردیۆلا بەرانبەر سوانزی ئەو راهێنەرە ڕیکۆدێکی تازە دەشکێنێت کە بە ناوی(کارلۆ ئەنچیلۆتی) و (بیلیگرینی)ی هەردوو ڕاهێنەری پێشووتری چێلسی و مان سیتی وەک باشترین دەستپێک بە 5 بردنەوەی بەسەر یەک تۆماریان کردبوو ، واتە پیپ گواردیۆلا دەتوانێت ئەمڕۆ شەشەمین سەرکەوتنی یەک بەدوای یەک بەدەست بهێنێت و باشترین دەستپێکی پرێمەر لیگ بە ناوی خۆی تۆمار بکات.

ئاشکرایە کە یانەی مانچێستەر سیتی لەگەڵ گواردیۆلا لەم وەرزدا لەسەرجەم یارییە فەرمییەکانی لە پرێمەرلیگ و جامی ئینگلتەڕا و چامپیۆنز لیگی سەرکەوتنی بەدەست هێناوە و ئاستێکی بەرزیشی لە سەرجەم یارییەکان پێشکەش کردووە.

hamataqana