جێرێمی هێلان هێرشبه‌ری ئێستای شیفڵد وێنسده‌ی و یاریزانی پێشووی مانچسته‌ر ستی وازهێنانی له‌ یاریکردن راگه‌یاند به‌مه‌به‌ستی خزمه‌تکردنی ئایینه‌که‌ی که‌ ئیسلامه‌.

جێرێمی ته‌مه‌نی ته‌نیا ٢٤ ساڵه‌ و ره‌گه‌زنامه‌ی فه‌ڕه‌نسییه‌، له‌ بنه‌ماله‌یه‌کی موسڵمانه‌ و ده‌یه‌وێت یارمه‌تی چه‌ند پرۆژه‌یه‌کی ئایینی ناوخۆیی شاره‌که‌ی بدات و بۆ ئه‌و مه‌به‌سته‌ش ته‌واوی کاته‌کانی خۆی بۆ ته‌رخان ده‌کات.

ناوبراو له‌ ساڵی ٢٠١١دا په‌یوه‌ندی به‌ مانچسته‌ر ستی کرد و سه‌رجه‌م ساته‌کانی به‌ خواستن به‌سه‌ربرد له‌ سێ ساڵی رابردوودا یاری بۆ شێفڵد وێنسده‌ی ئه‌نجام داوه‌ و له‌و ماوه‌یه‌دا به‌شداری له‌ ١٤٥ یاریدا کردووه‌ و سێ گۆڵی تۆمارکردووه‌. هه‌روه‌ها یاری بۆ هه‌ڵبژارده‌ی فه‌ڕه‌نسای خوار ٢١ ساڵ ئه‌نجامداوه‌.



hamataqana