پیپ گواردیۆلا راهێنه‌ری یانه‌ی مانچسته‌ر ستی بانگهێشتی یایا تۆرێی نه‌کردوه‌ بۆ یارییه‌کانی پاشکۆی چامپیۆنزلیگی وه‌رزی داهاتوو.

گواردیۆلا ٢١ یاریزانی بانگهێشتکردووه‌ و ناوی تۆرێی تێدانیه‌،شایەنی باسە له‌ یه‌که‌م یاری پریمه‌رلیگیشدا بانگهێشتنه‌کرابوو، به‌وه‌ش ئه‌گه‌ری ئه‌وه‌ زۆره‌ ئه‌ستێره‌ به‌ ئه‌زموونه‌ کۆت دیڤوارییه‌که‌ رووبکاته‌ یانه‌یه‌کی دیکه‌.

جگه‌ له‌و هه‌ریه‌ک له‌ سه‌میر نه‌صری و ویڵفرێد بۆنی و ئێلیاکویم مانگالا بانگهێشتنه‌کراون.

له‌گه‌ڵ ئه‌وه‌ی راهێنه‌ره‌ ئیسپانییه‌که‌ ده‌ڵێت بڕیاری ته‌کتیکین به‌ڵام کێشه‌کانی نێوانیان ده‌گه‌ڕێته‌وه‌ بۆ سه‌رده‌می بارسا که‌ ئه‌وکاتیش ناوبراو بارسێلۆنای له‌به‌ر هه‌مان راهێنه‌ر جێهێشت.

رۆژانی ١٦ و ٢٤ی ئه‌م مانگه‌ به‌ دوو یاری چوون و هاتن مانچسته‌ر ستی به‌رامبه‌ر ستیوا بوخارست یاری ده‌کات و براوه‌یان ده‌گاته‌ کۆتاییه‌کانی وه‌رزی داهاتووی چامپیۆنزلیگ.

hamataqana