دوور له‌ چاوی میدیاکان یانه‌ی ئینته‌رمیلان توانیبووی ئه‌نتۆنیۆ کاندرێڤای ئه‌ستێره‌ی لازیۆ رازیبکات رووبکاته‌ یانه‌که‌ی، به‌ڵام به‌ر له‌ راگه‌یاندنی فه‌رمی هه‌واله‌که‌ ئاشکرابوو کاتێک ئه‌و یاریزانه‌ له‌ فڕۆکه‌خانه‌ به‌دیکرا به‌ره‌و میلان و ئه‌نجامدانی پشکنینی پزیشکی.

ناوبراو له‌ لێدوانێکدا بۆ فوتبۆڵ ئیتاڵیا وتی “هه‌مووکات ئینته‌رم ویستووه‌ و هه‌وڵده‌ده‌ین بگه‌ینه‌ چامپیۆنزلیگ، پشکنینه‌کانم ئه‌نجام ده‌ده‌م و دواتر گرێبه‌سته‌ واژۆده‌که‌م”.

به‌گوێره‌ی لاگازیتا گواستنه‌وه‌که‌ به‌رامبه‌ر ٢٢ ملیۆن یۆرۆ هاتۆته‌ ئه‌نجامدان و به‌پێی ئاست و ئه‌نجام ده‌گاته‌ ٢٥ ملیۆن، گرێبه‌سته‌که‌شی بۆ ماوه‌ی چوار وه‌رزه‌.

کاندرێڤا ماوه‌ی چوار وه‌رزه‌ له‌ لازیۆیه‌ و وه‌رزی رابردوو دووهه‌م گۆڵکاری یانه‌که‌ بوو به‌ ١٠ گۆڵ و هه‌روه‌ها ٦٠ هه‌لی گۆڵی ره‌خساندبوو.


hamataqana