پاش ئەوەی زینەدین زیدانی راھێنەری فەرەنسی یانەی ریال مەدریدی ئیسپانیا رایگەیاند، ئیتر پێویستی بە خیسێ رۆدریگێزی ھێرشبەری یانەکەی نەماوە، بەرپرسانی پاریس سانجێرمان راستەوخۆ ئۆفەرێکیان پێشکەشی ئەو یاریزانە کرد.

ھەریەک لە رۆژنامەکانی “Marca”ـی وەرزشی ئیسپانیا و “L’EQUIPE”ـی فەرەنسی بڵاوییان کردەوە، دوای تەنھا چەند سەعاتێک لە بڵاوبونەوەی ھەواڵی دەستبەرداربوون لە خیسێ، بەرپرسانی پاریس سانجێرمانی فەرەنسا ئۆفەرکێیان پێشکەش بەو یاریزانە کردووە، بۆیە چاوەروان دەکرێت ئەمرۆ ھێرشبەری ئیسپانی پەیوەندی بە یانە فەرەنسیەکەوە بکات.

سەرچاوەکان ئەوەشیان بڵاوکردەوە، بڕی ئۆفەرەکەی فەرەنسەیکان 25 ملیۆن یۆرۆیە، بۆ ئەو بڕە پارەیە بەرپرسانی ریال مەدرید ناچار کردووە بە شێوەی ھەمیشەیی دەستبەرداری خیسێ ببن.


hamataqana