بە گوێرەی هەواڵی دەزگاکانی ڕاگەیاندنی بەریتانیا، (زلاتان ئیبڕاهیمۆڤیچ) ئەستێرەی تازەی یانەی مانچێستەر یۆنایتد لە یارییەکانی یانەکە بۆ وەرزی تازە درێسی ژمارە 9 دەپۆشێت.

بەگوێرەی هەوالی ڕۆژنامە ئینگلیزییەکان، سوڵتان ئیبڕاهیمۆیچ داوای درێسی ژمارە 9 ی کردووە، بەم بۆنەیەش یاریزان مارسیال ئامادەیی دەربڕیوە بۆ ئەوەی ئەو ژمارەیە بە سوڵتان بدات و بۆ خۆی ژمارە 11 ی هەڵبژاردووە، هەر سەبارەت بە ژمارەی درێسی یاریزانان میدیاکانی ئینگلیزی ئاماژەیان کردووە، کە درێسی ژمارە 6 بۆ یاریزانی فەرەنسی پۆل پۆگبا، ئامادە کراوە.

ئاشکرایە، کە ئبڕا پێشتر بۆ یەک وەرز لەگەڵ یانەی بارسێلۆنا درێسی ژمارە 9ی پۆشیوە، بەڵام لەگەڵ یانەکانی دیکەی وەک پاریس سان جیرمان ئینتەر میلان و هەڵبژاردەی سوید زیاتر بە درێسی ژمارە 10 دەرکەوتووە.


hamataqana