سه‌رچاوه‌یه‌كى باوه‌ر پێكراو به‌ پێگه‌ى گۆلى وه‌رزشى راگه‌یاندووه‌ یانه‌ى یۆفانتۆس هه‌وڵ ده‌دات گرێبه‌ست له‌گه‌ڵ ئه‌ستێره‌ى ناپۆلى و گۆلكارى سیرا ئه‌ى له‌وه‌رزى رابردوو گۆنزالۆ هیگواین ئیمزا بكات ، پاڵه‌وانى ئیتاڵیا به‌كرده‌وه‌ یه‌كه‌م هه‌نگاوى ده‌ست پێكردووه‌ له‌ پێناو به‌دى هێنانى ئامانجه‌كانى.

به‌گوێره‌ى هه‌مان سه‌رچاوه‌ یانه‌ى یۆفانتۆس له‌گه‌ڵ هیگواین گه‌یشته‌ رێكه‌وتن بۆئه‌وه‌ى گۆلكاره‌كه‌ى ناپۆلى په‌یوه‌ندى بكات به‌یانه‌ى بیناكۆنێرى بۆماوه‌ى چوار ساڵ و به‌موچه‌ى سالاَنه‌ (7)ملیۆن یۆرۆ.

پێش بینى ده‌كرێت له‌ چه‌ند رۆژى كه‌مى داهاتوو یۆفانتۆس راسته‌و خۆ بچێته‌ نێو گفت و گۆكان له‌گه‌ڵ ناپۆلى به‌ئامانجى كه‌م كردنه‌وه‌ى نرخى هه‌ڵوه‌شاندنه‌وه‌ى گرێبه‌سته‌كه‌یه‌تى (94)ملیۆن یۆرۆ یه‌ ،وه‌ سه‌رۆكى ناپۆلى رازى بكات و له‌ هه‌مان كاتدا چاوى یانه‌كانى بایره‌ن میونخ و ئه‌تله‌تیكۆ مه‌درید و ئه‌رسناڵ له‌ سه‌ر هیگواین دوربخاته‌وه‌.

چاوه‌روان ده‌كرێت یۆفانۆتس ناوى چه‌ند یاریزانێك له‌وانه‌ پێرێرا و روجانى بخاته‌ به‌رده‌م ده‌سته‌ى كارگێرى ناپۆلى له‌گه‌ڵ برێك پاره‌ بۆئه‌وه‌ى ده‌سته‌ى كارگێرى ناپۆلى رازى بكات ، له‌ هه‌مان كاتدا یانه‌كه‌ى باشورى ئیتاڵیا گرنگى به‌تواناكانى رۆبێرتۆ پێرێرا ده‌دات و ده‌سته‌واره‌یه‌كى فه‌رمیان پێشكه‌ش به‌یۆفانتۆس كردووه‌.


hamataqana