ستیڤن جیراردی کاپتنی پێشووی هەڵبژاردەی ئینگلتەرا رەخنەی لە ئاستی یاریزانانی هەڵبژاردەی وڵاتەکەی گرت لە یۆرۆی 2016، بەڵام دڵنیایی دا لەوەی هاندەرانی ئەو هەڵبژاردەیە بەمنزیکانە زەردەخەنە دەگەڕێتەوە سەر لێوانیان.

جیرارد کە وازی لە یاریی نێودەوڵەتی هێناوە، قسەی لەسەر هەڵبژاردەی وڵاتەکەی کرد دوای سەرنەکەوتنی بۆ قۆناخی هەشتی یۆرۆی ئەمساڵ و دەستلەکارکێشانەوەی رۆی هۆدسۆنی راهێنەر لە مەشقدانی هەڵبژاردەکە.

جیرارد گوتی "یاریزانانی هەڵبژاردەکە ئاستی راستەقینەی خۆیان پێشان نەدا و هێزی خۆیان دەرنەخست لە پاڵەوانیەتییەکەدا".

جیرارد، کە ماوەی چەند ساڵێکە لە خولی ئەمریکا یاریدەکات، دووپاتیکردەوە بەدەستنیشانکردنی راهێنەری نوێ بۆ هەڵبژاردەکە، دۆخی هەڵبژاردەکە باش دەبێت و زەردەخەنە دەگەڕێتەوە سەر لێوی هاندەران.


hamataqana