هه‌ڵبژارده‌ی کرواتیا به‌یه‌که‌می کۆمه‌ڵه‌ی چواره‌م خۆی گه‌یانده‌ قۆناخی شازده‌ی یۆرۆی ٢٠١٦ دوای بردنه‌وه‌ی له‌ ئیسپانیا به‌ دوو گۆڵ به‌رامبه‌ر به‌ گۆڵێک.

سه‌ره‌تا ئیسپانیا له‌ خوله‌کی ٧ ئه‌لڤارۆ مۆراتا به‌ گۆڵێک پێشکه‌وت، به‌ڵام کرواتیا پێش کۆتایی هاتنی گێمی یه‌که‌م له‌رێگه‌ی نیکۆلا کالینیچ ئه‌نجامه‌که‌ی یه‌کسانکرده‌وه‌.

له‌ گێمی دووه‌مدا هه‌ردوو هه‌ڵبژارده‌ چه‌ندین ده‌رفه‌تیان له‌ده‌ستدا، دوای ئه‌وه‌ی سێرجیۆ رامۆس لێدانێکی سزای له‌ده‌ستدا ئیڤان پیریسیچ له‌ خوله‌کی ٨٧ گۆڵی دووه‌میشی بۆ کرواتیا تۆمارکرد و هه‌ڵبژارده‌که‌ی به‌ حه‌وت خاڵ و وه‌ک یه‌که‌می کۆمه‌ڵه‌که‌ گه‌یانده‌ قۆناخی داهاتوو.

له‌ قۆناخی داهاتوودا ئیسپانیا به‌رامبه‌ر ئیتاڵیا یاریده‌کات و کرواتیاش به‌ر یه‌کێک له‌ باشترین سێیه‌مه‌کان ده‌که‌وێت.






م