وا بریارە ئەمرۆ پاڵەوانێتی كۆپا ئەمەریكا لە ئەمەریكا دەستپێبكات، بە ئەنجامدانی یاری كردنەوەی پاڵەوانێتیەكە لە نێوان هەردوو هەڵبژاردەی ئەمەریكا و كۆڵۆمبیا، ئەمەی خوارەوەش چەند زانیارییەكی تایبەتە لەسەر كۆپا ئەمەریكا.
- كۆپا ئەمەریكا كۆنترین پاڵەوانێتی تۆپی پێی لەسەر ئاستی زەوی، بەڵكو لە جامی جیهانی كۆنترە.
- یەكەم پاڵەوانێتی كۆپا ئەمەریكا لە ساڵی 1916 دەستی پێكرد و تا ئێستا 44 پاڵەوانێتی ئەنجامدراوە و ئەمە پاڵەوانێتیە دەبێتە ژمارە 45.
- بە پێی سیستەمی پاڵەوانێتیەكە بریار درا 12 هەڵبژاردە بەشداریبكات، كە 10 هەڵبژاردە لە كێشوری ئەمەریكای باشوور و دوو تیپ دەبنە میوانی پاڵەوانێتیە لە دەرەوەی كیشوری ئەمەریكای باشوور، هەرچەندە زۆربەی كاتەكان دوو هەڵبژاردەكە لە كیشوەری ئەمەریكای باكوور و ناوەراست بەشداری دەكەن، بەڵام جارێك هەڵبژاردەی ژاپۆن بەشداری لەم پاڵەوانێتیە كردووە.
- لە ساڵی 2016 دەبێتە 100 بەسەر ئەنجامدانی یەكەم پاڵەوانێتی كۆپا ئەمەریكا بۆیە، ئەم ساڵ پاڵەوانێتیەكە جیاوازە و 16 هەڵبژاردە بەشداری دەكات، بەڵام لە پاڵەوانێتی داهاتوو سیستەمەكە دەبێتە 12 هەڵبژاردە.
- لەگەڵ دەستپێكی پاڵەوانێتیەكە تا ئێستا دوو هەڵبژاردە نەیتوانیوە نازناوی كۆپا ئەمەریكا بە دەستبهێنن، ئەوەیش هەردوو هەڵبژاردەی ڤنزویلا و ئیكوادۆرە.
- هەڵبژاردەی ئۆرگوای زۆرترین نازناوی بە دەستهێناوە، كاتێك توانی 15 پاڵەوانێتی بە دەستبهێنێت و هەڵبژاردەی ئەرژەنتین 14 نازناوی بە دەستهێناوە و بەرازیل هەشت نازناو و پارگوای و پیرۆ دوو نازناو و شیلی یەك نازناوە.
- هەڵبژاردەی ئەرژەنتین توانی 27 جار بگاتە یاری كۆتایی پاڵەوانێتیەكە.
- گۆڵكاری مێژوویی پاڵەوانێتیەكە لە نێوان هەردوو یاریزانی بەرازیلی زیزینیۆ و ئەرژنتینی مێندێز بە تۆماركردنی 17 گۆڵ.
- 16 هەڵبژاردەكە بەسەر چوار كۆمەڵە دابەشكراون بەمشێوەیە:
كۆمەڵەی یەكەم: ئەمەریكا - كۆڵۆمبیا - كۆستاریكا - پارگوای
كۆمەڵەی دووەم: بەرازیل - ئیكوادۆر - هایتی - پیرۆ
كۆمەڵەی سێیەم: مەكسیك - ئۆرگوای - جامایكیا - ڤنزویلا
كۆمەڵەی چوارەم: ئەرژەنتین - شیلی - پەنما - بۆلیڤیا.
رێبین رەمزی