فیدراسیۆنی تۆپی پێی بەرازیل دوورخستنەوەی ریکاردۆ کاکای لە پێکهاتەی هەڵبژاردەی بەرازیل بۆ بەشداریکردن لە کۆپا ئەمێریکا راگەیاند.



فیدراسیۆنەکە ئاشکرایکرد کاکا لە پێکهاتەی هەڵبژاردەکە دوورخراوەتەوە بەهۆی پێکانەوە و لە شوێنی ئەو پاولۆ هینریکی جانسۆ شوێنی دەگرێتەوە.



فیدراسیۆنە بەرازیلییەکە لە راگەیەنراوێکدا گوتی جانسۆ شوێنی کاکا دەکرێتەوە، ئەمەش دوای ئەوەی ئەو یاریزانە تووشی پێکان بووە لە ماسوولکەکانیدا و تا 20 رۆژی دیکە چاک نابێتەوە.



یەکشەممەی داهاتوو بەرازیل یەکەم یاری خۆی لە کۆپا ئەمێریکای ئەمساڵدا دەکات و رووبەڕووی ئیکوادۆر دەبێتەوە.



کاکا کە لە شوێنی دۆگلاس کۆستا بانگهێشتی هەڵبژاردەی بەرازیل کرابوو، دەبێتە پێنجەم یاریزان بەهۆی پێکانەوە لە ریزەکانی بەرازیل دووردەخرێتەوە.





م