رۆژی شەممە لەنێو تراكەكانی پاركی سامی عەبدولرەحمان لەشاری هەولێر، راكردنێكی بەكۆمەڵ بۆ كچان لەپێناو ئاشتی و تەبایی ئەنجام درا، كە رێكخراوی ماراسۆنی نێودەوڵەتی هەولێر سەرپەرشتی دەكرد.
ماوەی راكردنەكە دوو كیلۆمەتر بوو، نزیكەی 200 كچ بەشداریان كرد، كچانی بیانیش لە ئاسیا و ئەورووپا ئەوانەی بەشداریان كرد، لەم راكردنە هەردوو خۆشك شەونم قادر و بەفرین قادر پلەكانی یەكەم و دووەمیان بە دەستهێنا.
ئەنجامی كۆتایی راكردنەكەش بەم شێوەیە بوو:
1-شەونم قادر
2-بەفرین قادر
3-فاتیمە كاوە
4-رازیە سالم
لەكۆتاییدا لەلایەن بەرپرسانی ئامادە بوو، خەڵات بەسەر براوەكان دابەش كرا. وا بڕیارە هەفتەی داهاتوو لە هەمان شوێن راكردنی بەكۆمەڵ بۆ كوڕان ئەنجام بدرێت.
رێبین رەمزی