ناوبژیوانی دیاری كوردستان و شاری كەركووك لەبیب حەبیب، دوای تەواوبوونی یارییەكەی هەولێر و پێشمەرگەی هەولێر وازهێنانی خۆی لە ناوبژیوانی كردنی یارییەكانی خولەكانی كوردستان راگەیاند دوای تەمەنێكی زۆر لە ناوبژیوانی كردنی لە خولەكانی كوردستان و عێراق بۆ تۆپی پێی.
سەرچاوەیەكی نزیك لە ناوبژیوان لەبیب حەبیب دووپاتی كردووە، كە یاری نێوان هەردوو یانەی هەولێر و پێشمەرگەی هەولێر دواین یاری بوو بۆ ناوبژیوان لەبیب حەبیب و چاوەروان دەكرێت دوای تەواوبوونی دووەمین پاڵەوانێتی كۆنیفا، كە لە هەرێمی ئەبخازیا ئەنجام دەدرێت و لەبیب حەبیب وەكو ناوبژیوانی ناوەراست و بەشداربوو لە بەرێوەبردنی یارییەكانی ئەم پاڵەوانێتیە دەستنیشانكراوە، بەشێوەیەكی فەرمی وازهێنانی خۆی لە كاری ناوبژیوانیتی رابگەینێت.
جێگەی باسە تا ئێستا بەفەرمی ناوبژیوانی نابراو وازهێنانی خۆی رانەگەیاندووە.
رێبین رەمزی
فۆتۆ: یوسف كەركووكی