لە چوارچێوەی یارییەكانی هەفتەی یازدەی خولی نایابی فاست لینكی كوردستان بۆ تۆپی پێی، ئەمرۆ پێنجشەممە سێ یاری لە كۆمەڵەی یەكەمی خولەكە ئەنجام درا.
لە یاریگەی ئارارات، یانەی ئارارات میوانداری یانەی شێروانەی كرد و توانی یارییەكە بە ئەنجامی (2-0) گۆڵ بباتەوە، هەردوو گۆڵی یارییەكە لە رێگەی یاریزان عەلی عەزیز تۆمار كرا.
لە یاریگەی دلال لە زاخۆ هەردوو یانەی هەولێر و زاخۆ رووبەرووی یەكتربوونەوە، لەم یارییەدا هەردوو یانە پاش پێشكەشكردنی ئاستێكی بەرز یارییەكە بە یەكسانبوونی هەردوو یانە بە (2-2) گۆڵ تەواو بوو، گۆڵەكانی زاخۆ لە رێگەی یاریزانان ( نێچیرڤان ئیسماعیل و ئەریان مستەفا) تۆمار كرد و هەردوو گۆڵی هەولێر لە رێگەی یاریزانان ( ئیڤان خالید و فەرحان شكور) تۆماری كرد، بەم ئەنجامە هەولێر هەر لە پێشەنگ مایەوە و تەنیا پێویستی بە یەك خاڵ هەیە بۆ ئەوەی سەركەوێت بۆ قۆناغی داهاتوو.
لە شاری كەركووك هەردوو یانەی كەركووك و هەندرێن رووبەرووی یەكتربوونەوە، لەم یارییەدا یانەی كەركووك سەركەوتنێكی گرنگی بە دەستهێنا كاتی بە ئەنجامی (2-0) یارییەكە بردەوە، گۆڵەكانی كەركووك لە رێگەی یاریزانان ( عەلی حوسێن و ئەلیاس نورەدین) تۆماركرا، لەم یارییە یاریزان محەمەد خالید جەفال لێدانی سزای بۆ یانەی هەندرێن لە دەستدا.
دوای تەواوبوونی یارییەكانی ئەم هەفتەی خولەكە ریزبەندیەكە بەمشێوەیە بوو:
1- هەولێر 18 خاڵ لە 10 یاری
2- كەركووك 15 خاڵ لە 11 یاری
3- شێروانە 14 خاڵ لە 11 یاری
4-ئارارات 13 خاڵ لە 10 یاری
5- زاخۆ 13 خاڵ لە 10 یاری
6- زێرەڤانی 10 خاڵ لە 10 یاری
7- هەندرێن 9 خاڵ لە 10 یاری
یارییەكانی هەفتەی داهاتوو بەمشێوەیە:
هەولێر - ئارارات یاریگەی شەهید فرەنسۆ هەریری
زێرەڤانی - كەركووك یاریگەی زێرەڤانی
هەندرێن - زاخۆ یاریگەی هەندرێن
یارییەكانیش رۆژی دووشەممە (14/3/2016) كاتژمێر 3ی ئێوارە ئەنجام دەدرێت.
رێبین رەمزی