دوای ئەوەی هەردوو یانەی هەندرێن و زێرەڤان لە خولی نایابی فاست لینكی كوردستان لە رووی ئەنجام و رێزبەند هەرشەی دابەزنیان لۆ خولی پلە یەكی كوردستان بۆ وەرزی داهاتوو لێدەكرێت، وا بریارە رۆژی پێنجشەممە لە یاریگەی هەندرێن هەردوو یانەی یارییەكی چارەنووساز ئەنجام بدەن كاتێك كاتژمێر 3ی ئێوارە رووبەرووی یەكتر دەبنەوە.
بۆ ئەم مەبستەش یانەی هەندرێن توانی ریزەكانی تۆكمە بكات بە مۆركردنی گرێبەست لەگەڵ چوار یاریزانی یانەی هەولێری بەشداربوو لە خولی نایابی عێراق ئەوەیش هەریەكە لە یاریزانان (دلێر حاتەم، كۆسرەت بایز، سیروان خدر، محەمەد خالید جەفال)، كە هەر چوار یاریزان لە یاری داهاتووی یانەكەیان بەرانبەر یانەی زێرەڤانی بەشداری دەكەن لە هەمان كاتدا رێكار هاشم بەشداری لە یارییەكە دەكات دوای چاكبوونەوەی لە پێكانەكەی.
لە بەرانبەردا یانەی زێرەڤانی بەفەرمی توانی سوود لە ئەزموونی گۆڵپارێزی یانەی هەولێر سەرهەنگ موحسین وەربگرێت بۆ ئەوەی لەم سێ یارییە بەشداری لەگەڵ یانەكە بكات بەمەبەستی رزگاركردنی تیپەكە لە هەرەشەی دابەزین بۆ خولی پلە یەكی كوردستان، وا بریارە سەرهەنگ موحسین رۆژی پێنجشەممە لە یارییە چارەنووسازەكەی بەرانبەر هەندرێن بەشداری بكات.
جێگەی باس هەر پێنج یاریزانی یانەی هەولێر بەشێوەی خواستن پەیوەندیان بە یانەكانی هەندرێن و زێرەڤانی كردووە دوای تەواوی بوونی خولەكە دووبارە پەیوەندی بە یانەی هەولێر دەكەنەوە.
رێبین رەمزی