ئەمرۆ شەممە لە مەشقی یانەكەی لە نێو یاریگەی خۆی، یاریزانی یانەی پێشمەرگەی هەولێر میران كەریم بەفەرمی ماڵئاوایی لە دەستەی راهێنەران و یاریزانانی تیپەكەی كرد و رووی لە هاندەران كرد.
هەرچەندە رۆژی هەینی یانەی پێشمەرگەی هەولێر یارییەكی چارەنووساز بەرانبەر یانەی گارە لە نێو یاریگەی خۆی ئەنجام دەدات بەمەبەستی دەستنیشانكردنی تیپی سەركەوتوو بۆ قۆناغی چوار گۆشەی زێرین و یاریزان میران كەریم لەسەرەتای خولەكە وەكو یاریزانێكی سەرەكی لەگەڵ تیپەكەی بەشداری كرد و لەم وەرزدا ئاستێكی بەرزی پێشكەش كرد.
میران كەریم باسی لە هۆكاری چوونی بۆ هاندەران دەكات و دەڵێت: خانەوادەكەم لە وڵاتی ئەڵمانیا ژیان بەسەر دەبن و ئێستاش بەفەرمی كاری بانگهێشتنامەكەم تەواو بوو بۆیە ناچارم بچمە ئەڵمانیا، بەڵام ئەگەر رێكارە یاساییەكان لەم وڵاتە زوو تەواو بوو و ئەگەر یانەكەم گەیشتە قۆناغی چوار گۆشەی زێرین ئەوە دووبارە پەیوەندی بە تیپەكە دەكەمەوە بۆ ئەوەی بتوانین ئەنجامێكی شایستە بۆ یانەكەمان تۆمار بكەین.
رێبین رەمزی