کارزان کانەبی
لەدرێژەی یارییەکانی گەڕی دەیەمی خولی نایابی یانەکانی کوردستان لە کۆمەڵەی یەکەمی خولەکە سێ یاری گرنگ بەرێوەچوو لە شاری دھۆک لە بەھێزترین یاری ئەم ھەفتەیەدا ھەردوو یانەی زێرەڤانی و ھەولێر ڕووبەرووی یەکتری بوونەوە لەم یارییەشدا یاریزانانی ھەردوو یانە توانیان بە درێژایی ماوە یارییەکە ئاستێکی بەرزیان پێشکەش کردو چەندین ھەوڵی ئەوەیانداد کەوا زووتر گۆڵ تۆماربکەن ، بەڵام سەرئەنجام ھەردوو یانە بە دوو گۆڵ یەکسان بوون و خاڵی یارییەکەیان بۆخۆیان دابەشکرد، گۆڵەکانی زێرەڤانی ھەریەک لە یاریزانان(کارسازمحەمەد، فەرھاد سەدیق) تۆماریان کرد ، دوو گۆڵەکەی ھەولێریش یاریزان(بەلێن وشیار ) تۆماری کرد، لە شاری زاخۆش یانەی ئارارات بووە میوانی زاخۆ لەم یارییەشدا یاریزانانی ھەردوو یانە توانیان ئاستێکی بەرز پێشکەش بکەن و یارییەکەش بە یەکسان بوونی ھەردوولا بە گۆلێک یەکسان بوون ، گۆڵی ئارارات (محەمەد عەدنان) تۆماری کرد، گۆڵی زاخۆ کاپتنی یانەی زاخۆ(بەرۆژجادر) تۆماری کرد، لە شاری کەرکووکیش بە ئامادەبوونی ژمارەیەک لە ھاندەرانی وەرزشی ھەردوو یانەی کەرکووک و شێروانە ڕووبەرووی یەکتری بوونەوە لەم یارییەشدا یاریزانانی ھەردوو یانەی توانیان ئاستێکی بەرز پێشکەش بکەن لە یارییەکە و چەندین ھەوڵی تۆمار کردنی گۆڵیاندا لە ماوەی ٩٠ خولەکی یارییەکە بەڵام گشت ھەوڵەکانیان بێسوود بوو سەرئەنجامیش ھەردو یانە بەبێ گۆڵ یەکسان بوون و خالێکیان پێبرا لە یارییەکە، ئەمەش ریزبەندی کۆمەڵەی یەکەمە.
گروپی یەکەم
١-ھەولێر١٦خاڵ
٢-زاخۆ١٢خاڵ
٣-شێروانە١١خال
٤-کەرکوک١١خاڵ
٥-ئارارات١٠خاڵ
٦-زێرەڤانی ١٠خاڵ
٧-ھەندرێن ٦خاڵ