کارزان کانەبی
لە درێژەی یارییەکانی خولی نایابی یانەکانی کوردستان لە کۆمەڵەی دووەمی خولەکە سێ یاری گرنگ ئەمڕۆ ھەینی بەرێوەچوو ، یانەی برایەتی لەسەر یاریگای خۆی و لەبەردەم ھاندەرانی یانەکەی ڕووبەرووی یانەی پێشمەرگەی ھەولێر بووە لەم یارییەشدا یاریزانانی ھەردوو تیپ ئاستێکی باشیان پێشکەش کرد دواتریش یاریزانانی یانەی پێشمەرگەی میوان توانیان کۆنترۆلی یارییەکە بکەن و لە ھەموو لایەکەوە چەند ھێرشێکی رێکخراویان بردە سەر گۆڵی یانەی برایەتی خاوەن یاریگا و لەم ناوەشدا ھەریەک لە یاریزانان شوان مامۆ بە لێدانی سزا و فەرھەنگ وریا ٢گۆڵ تۆمارییان کردو یارییەکەیان بە ئەنجامی (٣-٠)گۆڵ لە تیپی برایەتی بردەوە پێشەنگی یانەکانیان لە دھۆک وەرگرت، لەلایەکی دیکەوەش یانەی گارە لەشاری دھۆک ڕووبەرووی یانەی دھۆک بووە لەم یارییەشدا یاریزانانی یانەی گارە توانیان ئاستێکی باش پێشکەش بکەن و یارییەکەشیان بە ئەنجامی(١-٠)گۆڵ بردەوە سێ خاڵی تریان خستە سەر کۆی خاڵەکانیان، یانەی نەورۆزیش لەسەر یاریگای خۆی میوانداری یانەی سۆلاڤی کەرکووکی کرد لەم یارییەشدا یاریزانانی یانەی نەورۆز تونیان ئاستێکی بەرز پێشکەش بکەن و یارییەکەشیان بە گۆلێکی بێبەرامبەر بردەوە و سێ خاڵی گرنگیان بەدەستھێنا.
١-پێشمەرگەی ھەولێر ١٤خاڵ
٢-دھۆک١٣خاڵ
٣-گارە ١٢خاڵ
٤-نەورۆز١١خاڵ
٥-برایەتی ١٠خاڵ
٦-سۆلاڤ٢خاڵ